Come a Turino era zonto San Piero in Vincula a dì 5, e domino Baptistino. Veniano celerrime verso Aste.
     
      Item, che 'l marchexe di Monferà havia ricevuto l'hordine di Franza per la persona dil Traulzi, e converia acetar sul suo francesi. Erano passati bona quantità, et el baylo de Jejuno con alemani 1500 a la volta de Chiavari.
     
      Item, che 'l vescovo de Chareto, maestro di caxa dil Vincula, menava etiam lui trame contra Zenoa. Et dubitava non rompesseno sul stado de Milan. Che 'l ducha fa et ha fatto bone provisione a lui possibile, benché l'acertava el cognosceria in questo ponto chi faria stima di lui, et convenendo perder, si sforzeria di mancho el potesse.
     
      Item, volea, oltra li homeni d'arme mandati, si mandasse a l'orator nostro de lì ducati 3000 per far 1000 provisionati, acadendo i nimici passasseno Po per invader il stato suo.
     
      Item, el mandava el conte di Cajazo a le frontiere con zente e fanti.
     
      Item, havia mandà a far a la Mirandola et a Corezo fanti.
     
      Item, scrisse a Roma al pontifice lasasse l'impresa de Orsini, et mandar quelle zente verso Zenoa; et ringratia la Signoria di 300 homeni d'arme ordinati, et che 'l non poteva ringratiar quanto meritava le obligatione, et che la reputation di la Signoria era causa dil suo ben: perhò, bisognando, pregava non si restasse di ajutarlo.
     
      Item, che 'l signor Fracasso era in Alexandria di la Paja.
     
      Da Zenoa, di 5 et 6, che le provision ordinate erano refredate, et che 'l governador dicea la sua speranza era in la Signoria, et volea li fusse mandà uno capo suficiente di zente d'arme e fantarie, et che quella cità, per el Casteleto, per la penuria di [464] vituarie, per le porte, per le tarde provision, per la partita di Maximiano de Italia, era in manifesto pericolo.