Rizerchavano favor di la Signoria di zente e stratioti sono a Ravena per esser introduti in Cesena, inferendo quella cità, per le pratiche di Forlì, fiorentini è Vitelozo, saria francese.
     
      In questo zorno, a dì 11, nel consejo di pregadi, fo preso di mandar a Milan per lettere di cambio ducati 3000 per i provisionati occorendo, et a Roma fo scrito che, remesse le cosse de Orsini, mandasse le zente verso Zenoa, dove pareva più eminente pericolo.
     
      Item, de condur 2000 stratioti et mandar arsilii per i ditti in Levante. Et fono electi li patroni de dicti arsilii in collegio, et comiti.
     
      Item, scrito a Zenoa che non si mancheria di ogni provisione, et aviso di li 300 homeni d'arme et provisionati.
     
      [1497 01 14]A dì 14, da Roma di 8, come il papa dubitava di colonesi, et per reconciliarse con Ascanio, havia mandà el cardinal di Perosa per aplacarlo et pacificarlo.
     
      Item, da Lion, i movimenti francesi esser molto lenti, et havia electo orator in Ingilterra lo archiepiscopo de Orisagno vicario di esso papa, el qual era molto corpulente et grasso, aria faticha in la legatione. Che a Brazano si defendeano vigorosamente Orsini. Il papa avia cavali 800, fanti 1000; cerchava trazer di citadini tanti cavalli che fusseno a la summa di 1000, et lhoro non voleano guerra con castelani, perché pareva li populi non erano contenti di questa impresa che il pontifice havia tolta a ruina e danno de' Orsini.
     
      Item che 'l papa solicitava don Gracilasso de la Vega orator yspano far presto don Consalvo Fernandes con le zente per ultimar ditta impresa contra Orsini, et che l'havia risposo esser contento si [466] soa santità voleva tuor la expedition di Hostia; ma non contra Orsini.