Che il signor Carlo Orsini era a la Rocha Suriana et aspectava Vitelozo, el qual havia fato ruinar la rocha de Cisterna per esser più sicuro di quella.
     
      Item, come romani haveano abuto gran danno per la preda fata de animali per ducati 15 milia, fin a le mure di Roma, per Zuam Zordam Monopello, qual era a Cervetelle over a Crevetelle, el qual favorizava ditti Orsini con homeni d'arme 180 et 200 fanti.
     
      Item, che 'l papa facea provisionati 400 per ditta impresa.
     
      Da Ravena, di 12, che Vitelozo avia fatto, a Civita di Castello et per la Romagna, molti homeni d'arme e fanti per andar verso Montone, Todi e Perosa per divertir le cosse, over mutar quelli stadi, et atendea a Brazano.
     
      Da Faenza, di 9, lettere del signor Astor di Manfredi in justification di le oppositione qual pareano esser stà scrite per il proveditor, per le qual seguì la partita del ditto. Primo, zercha la distribution de li officii. Secundo, di la justicia unicuique ministrada. Tertio di le page per i danari receputi de qui, quali ditto proveditor nostro havea dato lui a le zente e tenute per certe curaze, et non facea mention. Perhò ni exortava se li mandasse altro proveditor.
     
      Da Napoli, da la Frata, dil Capelo orator nostro di ultimo dezembrio, 2 et 4 de l'instante, come el re atendea a la opugnatione di la Rocha Vielma, qual per il sito et penuria dil campo era dificile. Et era ivi venuto el signor Prospero con le artilarie per bombardar, e si atendea Ferando Consalvo, qual zonto, si acosteria con li fanti.
     
      Item, judichava, per segni, esser disension tra i francesi existenti, i qual sono homeni 1000 da fati.