[1497 01 16]A d́ 16 ditto, da Roma di 11, come il pontifice non voleva persister contra Orsini, essendo in fine. Laudava pur la Signoria, et che 'l papa diceva haver speso lui ducati 60 milia e plui senza aver abuto ajuto di Milano, et si dolea con l'orator yspano che don Consalvo non veniva. Et che Carlo Orsini havea abuto Orti e fazea dil mal assai; che 'l cardinal Ascanio era riconziliato col papa e stato in palazo. El qual pontifice era animato contra Orsini, et le sue zente haveano voluto scalar Brazano, excepto quelle dil ducha di Urbino che non se acostarono, e sopra le mure fo combatuto per bon spacio. Et [469] defendendossi quelli dentro animosamente, se conveneno retrazer malmenati, morti et feriti molti, tra li quali uno capo de' sguizari; et che per difeto di polvere, se restava di bombardar dicto loco.
     
      Da Pisa, di 7, da Cassina, di proveditori, come se dubitavano di qualche assalto de' inimici, essendo nostri mal in hordine, et se havea noticia che a Pontadera era stà discargà certe artelarie per esser penuria.
     
      Da Zenoa, di 11, che 'l secretario havia promesso ducati mille al governador da esser pagati do mexi dapoi finite l'impresa presente, cusś parendo al ducha de Milan. Havia dato principio a far li provisionati per conto nostro; che domino Baptistino era in Aste e solicitava le cosse, e tuto se resolveva verso Novi et Savona, ai qual luogi era stà provisto. Che 'l signor di Monaco et il marchexe del Final havia fato intender voleano perseverar in bona disposition per la liga; che in Zenoa era penuria di grano e valea lire 10 el ster dil formento a la mesura nostra, e perḥ voleano qualche nave cargate in Cicilia per conto di la Signoria nostra.