Che Villamarin capitano yspano verso Rosas havia preso una barza di bertoni di botte 500, e dovea andar verso Napoli.
     
      Item, haver di 15 novembrio, che in Narbona per Franza si facea aparato di zente e vituarie per Cajeta, et che in mar de Lion erano molti navilii francesi per depredar.
     
      Item, che i reali havia comandà a Barzelona per la Catelogna fanti 10 milia, et cussì a Valenza et Aragona totidem.
     
      Item, esser stà discoverto certo tratado in Curin propinquo a Perpignan, menato per monsignor Passaman habitava in ditto loco, de dar dicto loco a' francesi, quali, abuto, ariano corso fino a Gerona. Et ancora fo discoverto uno altro in Fonterabia, [471] per uno corier di Perpignan, che la raina di Franza era morta. Tamen non fu vero; et il re esser a Lion, dovea passar in Avignon; et che era zonto domino Lupiano orator cesareo, expedito de Italia dal re di romani a quelli reali yspani.
     
      Item, per dicti reali, esser stà mandate zente de Calatrava et Cantara in Granata per segurtà di quel regno, per haver trato di quello per mandar a Perpignan lanze 600, et expediti quelli comandatori di l'hordine a la volta di Perpignan; et che certe nave bertone erano state verso Maiorica, et haver preso alguni navilii cargi di grano, e facto danno assai. Item, che le zente comandate sono di Andelusia, Castella, Lion e Granata.
     
      [1497 01 19]A dì 19 zener, da Zenoa, di 13. Inimici tendeano a la volta di Saona, La spexa di la ruina dil borgo, esser per ducati 3000. Napoli pagava 400: el resto tra Milan e nui.