Item, mandar 100 stratioti, sono a Ravena, su quel di Milan apresso le altre nostre zente che andavano. Et cussì dicto capitano andoe, et insieme col conte cavalchoe ad Axola a veder certe fabriche facte etc. Et è da saper che 'l ducha stava a Milano in castello, et non ussiva, dubitando forse di qualche rumor.
     
      [1497 01 28]A dì 28, da Milan, di 24 et di 25, do lettere. Avisi di 23 da Novi.
     
      Item, esser a Monbaruto domino Baptistino et el Traulzi con il forzo di le zente, mia 12 da Novi, et che 'l conte di Cajazo havia domandà suo fratelo signor Galeazo li mandasse 120 homeni d'arme, 700 fanti et 200 cavali lizieri, et che dicto Galeazo li ricordava non brusasse la terra. La qual cossa fo laudà dal ducha.
     
      Da Alba di Monferà avisi, i nimici esser in Alle non tolendo in tutto la via di Novi o Zenoa, né erano intrati in terra niuna di Monferà, et che il dovesse aprir l'ochio al stato suo.
     
      [481] Item, esser stà scoperto certo tratato in Castelazo, loco importante verso Alexandria.
     
      Item, domino Galeazo ricerchava quello havesse a far in caxo nimici pasasseno. Li deve ofender posendo, et acresendoli le forze di le zente nostre. Et il ducha li rescrisse non dovesse dar principio a ofender, ma comenzando loro el fusse in libertà, e tutto remesse a lui et al conte di Cajazo. Et è da saper che, per la Signoria, fo promesso al marchexe del Final, perdendo il suo stato, de recuperargelo; la qual cossa piacque molto al ducha de Milano.
     
      Lettera di 25 da Milano, che i nimici haviano abuto Novi senza contrasto, perché el conte di Cajazo, havendo inteso dicti inimici aproximarse, si levoe per tempo de lì, vedendo non li poter resister.