El ducha, essendo in gran paura, exortoe il legato dovesse scriver a Roma al pontifice che lo ajutasse, hessendo lacessito etc.
     
      Item, scrisse al signor Galeazo che, hessendo [482] inimici lanze 500 et 250 restate in Aste, li par da novo non li facesse resistentia etc.
     
      Lettere di Zenoa, di 22, al ducha de Milan, come si doleano non esser provisto de homeni d'arme 50 et fanti 700, et il ducha havia mandà in cremonese a far fanti.
     
      Item, i nimici, capo domino Joanne Jacobo Traulzi, abuto Novi ebbeno Pozuol senza contrasto al zonzer quasi di Fracasso, qual, mediante certo fosso, si abochò con inimici, fo conosuto e lui non li conosete
     
      Item, dicto signor Galeazo scrivea aver poche zente, et inimici esser persone da 7000 vel zircha, et al continuo se ingrossavano. Era in Alexandria esso Galeazo et domino Tadeo da la Motella condutier nostro, ivi mandato con altri fino a 200 homeni d'arme di nostri.
     
      Item, el ducha restò molto confuso et quasi fora di sé perso Novi, dicendo non saper plui che proveder, e dubitava dil Bosco verso Alexandria, loco de importantia. Si trovava homeni d'arme 650, cavali 1000 todeschi, 300 cavalli lizieri et fanti 3000; ma forsi a la mostra non si troveria, et che voleva far zente paexane. Et per l'orator nostro Marco Dandulo, fo aricordato di mandar a Valexo per sguizari 3000, che lui ne pageria 1000 per ordine l'ha di far li provisionati, unde il ducha laudò, et mandò a farne 2000 sguizari. Et dicendo domino Galeazo Visconte era gran spexa, el ducha disse: "bisogna proveder al ben dil stado, e spender i danari".