De Yspruch, dal Stella secretario nostro, de 19 et 20, come era stà expedita la dieta di Alla. Che il contado de Tyrolo, per pagar la dote di l'archiduchessa di Bergogna, sia taxado fiorini 45 milia in anni do; el resto, fin a 80 milia, el re Maximiano dovea satisfar. Et zercha el subsidio a dar a esso re, haveano tolto rispetto di proponer, et che 'l re dovea andar a trovar la regina sua moglie a Yspruch.
     
      Da Zenoa, di 20, da Domenego Malipiero provedador di l'armada, come dovea partir per la Riviera verso Saona, per inanimar quelli populi con le nostre galie.
     
      Item, lettere de 22 di Zorzi Negro secretario nostro, come havia aviso San Piero in Vincula era a la volta di Saona con fantarie, havia mandato do soi in Saona per rizerchar se desseno, prometendo farli bona compagnia. Quali Lucio Malvezo dovea retenirli do zorni per aver più tempo di compir il bastion et repari, poi dirli che lo aspecteriano con le ponte di le spade. Et che Zenoa e Saona erano constantissime. Restavano in porto de lì le 4 galie zonte da Napoli et le do galie dil Gobo, videlicet di domino Brizio Justiniano zenoese armate per forza, et atendea a expedir li 1200 fanti.
     
      Da Roma, de 21 et 24, come el pontifice era contento di acordarsi con Orsini per amor di la Signoria nostra e dil ducha de Milan che lo haviano exortado, et per questo era stà mandato a Brazano a madona Bartholomea, et poi al signor Carlo Orsini domino Benedicto da Sara con salvo conduto, el qual non era tornato. Et che questo facea il papa acciò per lui non manchasse la quiete de Italia; ma non volendo pacificarsi Orsini, volea ajuto da nui et da Milano.