Da Milan, di 26 do lettere, di 27 tre lettere, et 28 do lettere. Avisi participati dal signor Galeazo di Alexandria. Aver mandato uno trombeta a dolersi al Traulzi che havesse roto sul stato dil ducha; aver provisto al Bosco et Fregarolo de fanti e d'altro, detrati certi homeni d'arme per non esser quelli necessarii; aver remandati a Tortona 100 homeni [486] d'arme mandati dal conte di Cajazo, qual ancora era a Seravalle. In Tortona tratato: inclinata a' Traulzi in ogni tempo, mia 10 di Novi distante, dove era domino Scaramuza Visconte, al qual havea scrito trazesse i sospetti et li mandasse a Milan.
     
      Item, che i nimici non erano acetadi in le terre di Monferā, ch'era bona nova.
     
      Item, dil zonzer di domino Thadeo da la Motella a Basignana, dove dovea temporizar fin venga li altri.
     
      Da Zenoa di 23, dil marchexe dal Final, che 'l cardinal San Piero in Vincula era a l'Altar con 1700 ballestrieri non ben in hordine, et che a Ceva non erano stā acetadi. Volea el dito cardinal el marchexe fusse suo amico e dil re di Franza, maravelgiandose havesse posto a hordine i monti. El qual rispose voler con la vita et stato servir al suo signor ducha de Milano. Et da Zenoa dovevano partir per Saona altri 1000 fanti per far forza contra i nimici e speravano romperli, et che li fratelli Adorni erano intrepidi a ditta impresa. Et č da saper, che 'l signor Galeazo preditto rizerchava con instantia ingrosarsi di zente per resister a' nimici, et el ducha atendea a far fanti in bon numero. Di zente d'arme 600 homeni d'arme et 50 al signor di la Mirandola, et havia dato danari, e tutto il suo fondamento era ne li pressidii di la Signoria nostra, a la qual solicitava fusseno presti a mandarli.