[1497 02 08]A dì 8 ditto, havendo più volte Nicolò Michiel doctor et cavalier orator nostro a Roma, per sue lettere, dimandato licentia di repatriar, nel consejo de pregadi fo electo in loco suo Hironimo Donado doctor el qual veniva podestà di Brexa, et stato alias oratore a Roma in tempo de Innocentio, el qual, poi che fu zonto, aceptoe.
     
      Ancora, fo dato a Sebastiam Marzelo, el qual de' soi danari havia fato una nave bellissima di botte mille, duc. 2500 de danari di la Signoria nostra, intendando dicta nave fusse obbligata ai bisogni nostri pagandola etc.
     
      Etiam, fu preso che Marco Zorzi capitano di Bergamo, el qual andava in campo, zonto che fusse in Alexandria li proveditori nostri, dovesse partirsi et andar orator in Savoia et a Monferrà a confortar et mantenir quelli stati a esser boni italiani et in amicitia di la liga, etiam perché era stà trato moto che in Savoia, si fusse qualche orator nostro hessendo do francesi oratori, che mediante quel ducha si vederia di adatar le cosse.
     
      Ancora è da saper, che fo decreto che Stai Bragadin, soracomito che era di una galia candiota che si ruppe a Ligorne, dovesse haver 4 soracomitarie et haver duc. 500, zoè la mità qui et la mità in Candia; et per collegio fo ordinato di armar 2 galie in Candia, tra le qual costui uno soracomito, et l'altro Nicolò Gradenigo, et a Corfù 2 altre galie. Et cussì fo facto. E questo, perché numero 8 galie fo disarmate, zoè fo mandato a disarmar Marco Cabriel proveditor di l'armar et Alexandro Contarini pagador a l'armamento fino in Dalmatia con duc.