Siché Castelazo era circondato da tre bande de lochi obtenuti da inimici, mia 2 in 3. In dicto Castelazo era a custodia el signor Frachasso, et Zuan Paulo Gradenigo proveditor di stratioti, et persone zercha 4500, fra taliani, todeschi, e borgognoni tra piè et cavallo, zercha 2000.
     
      Item, di le gente di la Signoria era Zuan Griego capitano di ballestrieri a cavalo con cavali 100, et stratioti n.° 250, capi Nicolò de Nasin, Repos et Hector Busichii el Bernardin da Nona, el qual Bernardin havia bona fama di valente homo. In Alexandria era el signor Galeazo et conte de Cajazo con le soe gente; de la Signoria Marco Zorzi proveditor, Vicenzo Valier pagador, el conte Alvise Avogaro, domino Thadeo da la Motella, Alexandro Coglion et Taliano da Carpi con i lhoro cavali. A Tortona era deputato el dicto conte di Cajazo, el qual andava e veniva in Alexandria mia 12 de lì, et assà fantarie dil ducha de Milano. Il campo nimico, capo domino Zuan Jacomo di Traulzi, era a Sace mia 2 dil Castelazo, con persone ut dicitur 12 milia in zercha, et deva fama che aspectava il ducha d'Orliens con persone 10 milia. Ma Castelazo era la chiave di Alexandria, et il ducha fé cavar dil Castelazo tutti li principali, e fati andar a Milano, per numero zercha 60. Et il proveditor nostro Gradenigo era alozato in caxa di Sintel Cogata, el qual era etiam lui a Milano et uno di principali di quel loco. Tamen ivi era la so fameja.
     
      Da Vicenzo Valier di 14. Come a dì 13 era stato [512] al Castelazo per pagar i ballestrieri di Zuan Griego e li stratioti, et quando arivoe, trovoe di nostri che erano a le man con inimici scaramuzando, in modo che tutto quel zorno steteno in arme.