Primo, come a dì 16 fo discoverto uno tratado nel Castelazo per li todeschi che erano dentro e volevano dar quel loco ai nimici, e domino Anz, uno di lhoro capetanii, perché tra loro capi era dicto tratado, andò da Fracasso e si discoverse; unde, subito forono presi tutti quelli se trovono in questo, e diceano volerli mandar al re di romani.
     
      [518] Item, che in quel zorno, a dì 17, Zuam Griego con la sua compagnia, et el Bataglia capo di ballestrieri 50 dil ducha de Milano, et stratioti 10 di Bernardin da Nona andono a Borgorato mia uno lontan dil Castelazo, e lì trovono fanti 200 de' inimici et cavali 30, et nostri deteno dentro e lhoro si messeno in fuga, et ne fo morti 30 et feriti 40. Il resto fuziteno lì apresso a uno loco che i tolseno chiamato Zamelier.
     
      Item, che in quel zorno, el conte di Petigliano, el proveditor, capitano alemano et quelli signori ducheschi fono al Castelazo, come ho scripto di sopra, et visto il sito et el campo nimico. El qual ozi brusono la Spina mia uno da Sece; et se messeno in arme molti de' nostri; se mostrono et niuno di lhoro volse vegnir fuora.
     
      Item, come il zorno seguente aspectavano i fanti da Zenoa con domino Joanne Adorno et domino Joan Alovisio Dal Fiesco.
     
      Lettera de 19. Come era zonto domino Joanne Adorno et domino Joanne Alovisio dal Fiescho, venuti da Zenoa con fanti 3000 in Alexandria, et andavano verso il Bosco per alozar, et la matina sequente doveano darli la bataja a dicto loco dil Bosco.
     
      Item, che francesi, al castel Bergamasco havia fato gran crudeltà, dove era provisionati 150 di la guarda dil ducha, et preso con bataja, tajono a pezi li soldati e li homeni di la terra, sicome vidi per una lettera di Zuam Griego.