Perhò, si se avierano a la volta di Zenoa over Saona, essi farano quel medemo, perché da Seravale a Zenoa andarano in un zorno, et de lì potrano con le galie in poche hore farsi gittar a Saona. Et etiam, per darli mazor pressidio, [541] haveano deliberato mandar altri 2800 fanti, che farano fanti 5400 in tutto, 900 di qual doveano partir la matina et andar al Boscho, et a dì 4 anderano il resto ch'è a la via di trovar li altri; né passerano Seravale, se prima non se intende l'aviar de' inimici a quella via. I qualli, si se mutaseno de oppinione et volesseno tuor altro partito per esser tra lhoro discordia grande, nostri fariano in mezo zorno ritornar tutte le fantarie preditte ai lochi soi, 400 di li qual erano stà zà mandati et zonti a Zenoa, per esser stà dal governador di Zenoa dimandati. Et che certifichati che fosseno essi proveditori de li progressi de' inimici, prenderiano qualche partito: che era di veder di recuperar dei castelli che restavano in man de' inimici, i qualli erano di qualche importantia, videlicet Novi et Ovach. Li altri tutti erano stà recuperati.
     
      Et havendo io al magnifico domino Andrea Zanchani proveditor fatto richieder mi mandasse le liste di le zente sì nostre qual duchesche si ritrovava de lì in campo, libentissime le mandoe, le qual sarano qui poste. Et questa è la verità.
     
     
      Queste sono zente d'arme duchesche si ritrova esser in Alexandria.
     
      De la fameglia del signor ducha, sotto il sig. Frachasso hom. d'arme 150
      Del sig. misier Galeazo capitano zeneral " " 160