Et non sapeva si domino Paulo Baptista monteria suso per capitano dil re, come era stà divulgato, et che il zorno avanti era partito per Aste a trovar domino Baptistino etc. Data Niciae die 22 februarii 1497.
     
      Da Roma. Come el campo et zente dil pontifice, capo don Consalvo Ferando yspano, atendevano a bombardar Hostia, nel qual loco era Meno di Guerra, chome ho scripto di sopra per nome dil re di Franza, et che speravano di averla.
     
      Item, da Brazano, che 'l ducha Guido di Urbino preson di Orsini, era stà lì a Brazano posto molto in destreta, caziato via li soi servitori che 'l serviva, et seratoli li balconi. Questo feceno acciò più presto volesse consentir a la taja data. Ma nostri, questo inteso, dubitavano molto di la sua vita, et che non fusse di volontà dil pontifice fatto morir, per non haver figlioli et esser Urbino feudo di la Chiesia, acciò soi figlioli di esso papa potesse haver stado in Italia, Unde venitiani feno ogni cossa di farlo liberar, benché, quando fu a servicii dil papa, andò come homo dil pontifice e non di la liga, né di la Signoria nostra. Per la qual cossa, fo scrito in bona forma a Nicolò Michiel dotor e cavalier orator nostro in corte, che col pontifice dovesse far ogni cossa che 'l fusse liberato. Et perché Marin Zorzi doctor come ho scripto, era in camino per andar orator a Napoli existente in loco di Polo Capelo, per il senato li fo comesso dovesse andar a Brazano, parlar a esso ducha et a quelli signori Orsini, et veder se 'l poteva adatar le cosse.