Et che fra lhoro ne era molta dissensione. Che li alemani non voleano andare di longo se non haveano l'artellaria davanti over etiam tutte le zente, et che ultimate haveano inteso come la sera avanti era levato di Aste la lhoro artellaria grossa, et che domino Zuan Jacomo andava ad alozar a Caneli con le zente d'arme, et misier Baptistino di Campofregoso era avanti a Cortemilia col forzo di le fantarie, ch'è a la volta di Saona. E cussì si existimava certo che andasseno a quella volta, et che nostri, oltra i fanti 2600 con misier Zuan Adorno et misier Zuan Alvise dal Fiesco che erano a Seravale, et li 100 homeni d'arme con li 50 ballestrieri che erano col conte di Cajazo, pur con lhoro. Le qual erano aviate et parte zonte a la Volta di Zenoa, et poi doveano andar a Saona. Et che li mandavano misier Anz con alemani 1300 et 800 taliani; che il forzo di lhoro in quella sera doveano esser a Seravale.
     
      Item, cavali 200 de' stratioti et 200 ballestrieri a cavalo dil ducha, et rechiedendo più ne manderiano, et che stevano con bon animo di quelle cosse di Zenoa; et che 'l credeva che il campo che si ritrovava in Alexandria se spingeriano più avanti a quella volta, siccome sarà il bisogno.
     
      [550] Item, che ogni zorno più resonava de la triegua tra Spagna e Franza, con tempo ai collegati de intrar a dì 25 april, et habbi a durar fino ad ognisanti.
     
      Item, come era zonto in Aste el grande scudier di Franza per conzar la diferentia era fra lhor capi, et per dar obedientia a misier Zuan Jacomo che in bona parte l'haveva persa.