Per la qual, tutti i rancori e malivolentie de uno verso de li altri sono domentigate et extincte, et tute le injurie de fati e de parole domentichate et remisse; et da questo zorno avanti, i dicti signori re et monsignori loro fioli se amerano et favorirano l'un l'altro, videlicet li diti signori re come fratelli et boni amici, et monsignori loro figlioli come boni parenti l'un de l'altro.
      2.° Item, che immediate, dapoi el dito signor re christianissimo fece, fato el mariazo de lui et de la rezina, dir et dechiarir per suo ambasadori, quali mandò verso i ditti segnori re de' romani et archiducha, che 'l desiderava de rimandar la dita dama Margarita, et la faria condur honoratamente secundo el stato suo, in qual luocho o terra li fusse notificato, et a questo fin l'aveva fato condur fin ne [591] la villa de Mians, ha fato dir iterum dita majestà hai(33) dicti ambasadori che ogni zorno è stà e anchora hè de questa medema intention et voler; per metter la cosa ad execution ha offerto et offerisse a sue spese, a dì 3 del mexe de zugno proximo futuro, farla menar et condur honoratamente, secundo che al stato suo apartien, in la terra de etc., tamen ex nunc la meterà ne le mano dei ambasadori dei diti signori re di romani et archiducha, per condurla dove el re ordenerà.
      3.° Item, che la predita dama, venuta lì, serà plenamente consignata ne le man dei comessi che harano autorità et libertà da li dicti signori re de' romani et archiducha de receverla, dando li dicti comessi a quel del signor re cristianissimo discaricho et quietation suficiente, la qual contegni che i dicti signori re de' romani et archiducha, in loro nome et come patre e fratello de la dita madama Margarita, a nome suo cognoserano che quella a loro sia restituita, over ai messi sui, et discarichata la cristianissima majestà de ogni vinculo de mariazo et altra obligation et sigilation spectante a la persona de la dita, et fato quietation al dicto re cristianissimo et a tuti li altri a chi pertegnirà et a quelli potrà tochar, et similiter recognoscer, declaration et quietation fata per sagramento, la dita madama Margarita, dapoi che la serà consegnata ne le man de quelli serano comessi a receverla nei paexi dei dicti signori re di romani et archiducha.