4.° Item, che el re cristianissimo e monsignor l'archiducha sono rimasti concordi a prosequir, sostenir ciaschuna differentia per via amichabile, over de justitia, et non altramente, tuti li driti et action che pretendeno haver in le cosse che non serano apontade et decise per questa pace. Et similiter, resti el dito monsignor archiducha in tuti li integri dreti, querele et action che l'intende haver aquistate per el tratado fato del 1482, le qual el non ha revocado né revocha, et el re resta integro a sostenir el contrario.
      5.° Item, che i contadi de Bergogna, Artoes, Chiarloes et segnorie de Moes serano ex nunc restituide per el dito christianissimo re et tuti altri a chi speterà al re de romani como padre del dito monsignor archiducha, et che quelli posseno galder con tuti i sui dreti et utilità, come ultimamente hano fato i predecessori del dito monsignor archiduca, salvo quelli del contado d'Artoes, Chiarloes et segnorie de Moes li dreti reali restino et sopranamente restar habino al re, cum tuti li altri driti spectanti a suo majestà. Et similiter, che le terre et [592] castelli Edin, Air et Betuna stante al presente a la obedientia del re, restino in guarda de monsignor de Cordes merascalcho de Franza, li qual el guarderà senza spesa alguna del dito signor archiducha, et reservati i stipendii, anziani et dreti che li capitanii dei diti lochi sono consueti haver, et farà sagramento al re, et prometerà de quelle ben guardar quanto a lui serà possibele, et al dicto monsignor archiducha guardar similiter dicti luochi securamente per i dreti a lui spetanti, et che in le dite terre et castelli non meterà zente de guerra, salvo per la custodia de quelli o per obviar prejuditio et dano al re over monsignor archiducha, lor regno, paexe, subjecti, terre et signorie sue.