8.° Item, che durante el dito tempo, et fina che el dito signor archiducha habi compito la età sopradita et fati li debiti soprascriti, li officiali de justitia et texorieri de la intrata regia et altri officiali [593] ai qualli la disposition apartien nel contado d'Artoes, quelli praesentialiter sono in ditte tre terre Edin, Air, et Betune, serano intertenuti, et continuar haverano nei lhoro officii, sumendo comissione dal dito archiducha, facendoli i sagramenti in tal caxo necessarii.
      9.° Item, quantum a la cità d'Aras, le intrade et temporal sarà restituite et lasà al episcopo et capitolo de la dita terra, hai(35) qual l'apartien sotto la ordenanza de Baliazo de Mians, nel consueto modo. Et quanto speta al capitollo, el re, over chi pò disponer, serà contento de constituir colui de presente è o serà durante la dita età, non suporterà esser fato alguna cossa a prejuditio e danno del re, né del suo regno; ma el ditto signor archiducha, venuto serà a la età preditta, et immediate che l'habi fato el dover suo come è dito, et che le dite tre terre le serano restituite, la dicta cità li serà pienamente remessa ne le man del re per disponer de quella, et meterli capitani et guardie come li parerà
      10.° Item, che per questa pace, le caxe de Fiandra et d'Artoes in Paris, et la caxa fuora de Paris serano restituide al re de' romani, come padre et administrador de l'archiducha.
      11.° Item, che el dito signor archiducha serà in segurtà tenuto, se cussì li parerà, de reprender el sagramento del re et farli homagio de le terre, segnorie existente ne la sua sopranità, fin che l'haverà compito la dita età de 20 anni.