15.° Item, che i subditi de una parte et l'altra porano conversar merchadanteschamente uno con l'altro, et in ciaschuna de dite parte menar et far condur, per mar, per terra e per aqua dolce, lor beni, vituarie et mercantie, securamente, senza che i siano rechiesti de tuor salvo conduto, pagando ciaschadun i driti che se son usati a pagar et affitar in tempo de pace, cessando le nuove exaction et imposition che in tempo de guerra sono stà levate a ciaschaduna parte, per le mercadantie che sono stà condute.
      16.° Item, che a questa pace siano expresamente compresi, come subditi del re, cità, terre de Tornai, Toarnesis, Mertagna e Sant Amant, insieme con li episcopati, abbatie, ecclesiastici, nobili, citadini et altri subditi loro habitanti.
      17.° Item, che per questo presente tratato de pace, è stà communi consensu dito, dechiarito et acordato che l'episcopato de Cambrai, contado de Campresis, li homeni de Liege stanti et habitanti la dita cità de la villa del castello de Cambresis, e tutti li contadi, castelli, forteze, terre, vilazi del dito paexe de Cambresis, et li habitanti de quelli, sarano et sono compresi in questa pace, galderano dei beni et intrade che ciaschuna parte ha et potrà haver, et frequentar merchadanteschamente et altramente, come a tutti i tempi fono acostumati far in tempo de pace, et serano, quanto a questo, intertenuti ne le lor antianità, driti, franchisie et libertà, et novi impedimenti serano levati, et serano servate tute le segurtà che i haverano tenuti da ciaschadun dei principi.