Item, che per execution del articulo precedente, i zudesi ordenarii dei luogi, over lor luochitenenti, in ciascuna parte serano tenuti de remeter, restituir et integrar sumariamente et de plano, non obstante le opposition over appellation de ogni sorte, et senza prejuditio de quelle, i subditi de ciaschuna parte che per benefitio de questa pace retornerano ai lhor beni. Et se l'è necessario haver le man forte per exequir li pontamenti o provixion dei judici ordinari, over de lor luochitenenti, e ciaschauna de le parte la farano dar, et se darano over expedirano a le canzelarie over camere del consejo dei diti principi lettere o provision per impedir, retardar o deferir el retorno dei subditi de ciaschauna parte a loro beni; ma li dicti subditi, remessi ne la lor possessione de' beneficii et hereditari beni, se alcun le volesse domandar dreto, i responderano ai judici al quali speterà la cognitione.
     
      Item, che sopra l'articulo de ritornar ai suo' beni, serano compresi i antiani servidori del quondam ducha Philippo e Carlo, a' qualli, dapoi la morte del ducha Carlo, se sono adheriti a la obedientia [597] del re. I qualli, per virtù de questa pace, galderano le apensione et provisione de viver a lor date et assignate al tempo del ducha Carlo, sopra le intrade dei contadi d'Artoes, e Bergogna.
     
      Item, che se algune heredità over intrade fusseno stà vendute per decreto over per consuetudine, per debiti over obligatione, per li quali debitori fusseno ne la parte contraria, li diti debitori over lor heredi porano infra anno, computando dal zorno de la publication de questa pace, retornar a le dite heredità ita vendute, pagado quello le fusseno stà vendude con le spexe de le publication.