Pagina (114/1013)

pagina

       

     
     
      Item, che quanto a le fraction de heredità over rendede donade per ricompensa in ciaschuna parte et lettere de principi, loro locotenenti over comessi, tuto quello che li serà stà dato o quietato dapoi el principio de le guerre e division comenzade 1470, e durante quelle fin al zorno de questa pace, restino ben date, quietate; salvo tamen se 'l fusse alcuna [598] heredità che per sententia de judice competente date partite fusseno per aventura guadagnate over judicate ai creditori de rendete de le qual fusse fato dono o quietanza, el dito don o quietation non haverano loco per el tempo de guerra dapoi la dita sententia, et non per quelli che per avanti in tempo di pace serano de le rason sue, e per li qualli le dite heredità serano stà judicate.
      Quanto veramente a li beni mobili che non serano stà levati over transportati, ma se retroverano sopra le heredità over li giogi ai quali i subditi de ciaschuna parte ritornerano; et similiter quanto a debiti et hereditazi che mò sono stà donati e levati, dei qual non sia stà fato processo e pertinerano a' diti subditi et non a quelli che haverano don general de' loro beni mobili.
     
      Item, che per haver la posession et galdamento de le dignità, beneficii, feudi, hereditazi et altri beni che li servitori et subditi de l'una de le parte hano o haverano in loro parte, non potrano esser astreti a far restitution o parte, né serano tenuti far alguno sacramento a principe, signor sotto el qual serano li diti beni, salvo li feudi et vasali che serano tenuti far sacramento de fideltà, secundo la natura de' lor feudi, i qual per questa volta porano far per procuratori quatro mesi dapoi la publication de questa pace, se più non serà limitato per li costumi di luogi.