Et quanto a la restitution de i loro stati che havesseno in la dita terra durante ditta neutralità, potrano quelle prosequir cum justitia.
     
      Item, che madama Margarita d'Angeltera vedua quondam del monsignor Carles, in vite sua col ducha de Bergogna serà et è sempre compresa in questa pace, et consente el re che la galderà le terre e signorie de Serlus et Laperirin a quella pertinente et dependente, situate in la vice conteia de Ausonia, come faceva la quondam madama Hisabella madre del quondam ducha Carles, sotto pena de perder mille scudi d'oro, secondo le lettere de transporto e titolo che la tien.
     
      Item, che da parte del re christianissimo, sono stà et sono denominati sui coligati la sacratissima imperial majestà, i re di Castilia, Engiltera, Scotia, Ongaria et Boemia, l'archiducha de Baviera et el conte palatin, i duci e casa de Baviera, li electori del santo imperio, el ducha et casa de Savoia, el ducha et casa de Milam, el ducha e Signoria de Venetia, el ducha de Lorena, el ducha de Geler, el marchese e casa de Monferà, el vescovo e cità di Legie, le lige de' sguizari confederati vechie et nove, le comunità de Fiorenza et Zenoa.
     
      Da la parte veramente del re de' romani e archiducha sono stà denominati per lhoro colligati la sacratissima majestà imperial, i re de Castilia, Ongaria, Portogal, de Angiltera e Scotia, li electori del santo imperio cum el re de Boemia et altri, et tuti li principi, le lige vechie e nove, le cità e comunità de l'imperio.
     
      Et se li diti principi vorano nominar altri colligati, far lo potrano per lhor lettere patente in termene de 4 mexi, dei qual cussì nominati farano declaration fra quatro altri mesi, aut infra annum, over nel modo ante ditto.