Item, consentirano che se per loro, over successori sui, over algun per suo nome, harano contravenuto a questo tratato per notolio (sic) segno de guerra et interpredade, facto come se per loro signori re de' romani o archiducha over futuro marito de dita madama Margarita, o altro da parte loro, serą processo per via de facto manu forti o altramente a la presa de qualunche terra, loco o altro de la parte et obidientia del re o de le tre terre che restano a la custodia del dito signor de Cordes, over se i diti signor re de' romani, archiducha, futuro marito over altri per lhoro intrarano con potentia et armata manu dentro el regno et altri paexi del re senza suo consentimento, over per altri simel casi romperano, over soffrirano che sia roto questo presente tratato de pace; similiter, se in questo caso el re christianissimo, monsignor el Dolphim et altri per lhoro procederano per via de fato, o altramente, a la presa de alguna terra, piaza over forteza da la parte et obedientia dei diti signori re de' romani o archiducha, una de le ditte tre terre, o che con potentia et man forte intraseno loro paesi per far guerra a loro over ai subditi sui, et in questo caso ciaschedun de quelli, over altri simili, colui che primo contraverą o comenzerą la ditta guerra, serą tenuto prometerą et promete per questa pace sopra l'honor suo, de repararli incontinenti et per il pił tardi in termene de 6 setemane future, o far reparar con effecto a la [602] dita contravention, et render tutti i danni et interessi, a pena de esser tenuto et reputato fractor de pace.