I qual sigilli se darano da uno canto et da l'altro, videlicet da la parte del re in la terra de Teruana, et da la parte dei signori re de' romani e archiducha in la terra de Sant Homer, el primo zorno de setembrio proximo futuro.
     
      Item, che lettere de questo presente tratato de pace serano levate publicate et registrate, videlicet quelle del re in la corte del parlamento de Paris, presente et consentiente el procurator real, et similiter in la camera dei conti; et quelli di signor re di romani e archiducha nel suo gran consejo, presente et consentiente el procurator general del dito signor et nella sua camera dei conti a Lila, et sarà data a justa fede sotto el sigillo autenticato come origenal, a tutti quelli che se vorà ajutar in juditio e fuora.
     
      Item, Serano denominati conservatori de questa pace da la parte del re: per li confini et quartieri del paexe de Borgogna, monsignor el principe de [603] Orange, monsignor de Bandricurt governador de Bergogna, et i balì de Giegiu, Zialon, Hoston et Machon loro luogotenenti. Per i paexi de Campagna et de Rotolors, monsignor de Real governador de Campagna, i balii de San Piero el Monestier, de Vitri et Troes o loro luochitenenti; et per li confini de Picardia monsignor de Cordes mareschalcho de Franza, i signor balii de Mians, de Vermandors, siniscalcho de Potro de Bolognes, i governadori de Perona o loro luochitenenti; et per mar monsignor l'armirado, sui luochitenenti o comessi.
     
      Item, per parte dei diti signori re di romani e archiducha sono nominati conservatori: per li confini de Fiandra et Artoes monsignor de Nanso insieme cum il governador de Lila, de Rans et i balii de ciaschadun paexe nel suo dreto, monsignor lo principe de Canai et li signori d'Ainers, i balii de dito paexe; per Lucemburg monsignor marchese de Bada; per Bergogna el governador del conte de Bergogna et de' balii d'Amont, d'Aval et de Dela; et per mar monsignor de Bura admirad, de quelli sui luochitenenti over comessi.