Pagina (122/1013)

pagina

       

     
     
      Tuti i qual conservatori nominati in ciascheduna de le parte, serano tenuti far pronta et sumaria expedition, senza forma et figura de processo, de tutti i casi che venerano et spenderano de la reparation et restitution che se die far per questo presente tratato de convention, infraction o interpresa, incontra questa pace, et serano lhoro sententie, ordination et provision mandate in execution realmente et de facto, non obstante oposition o appellation, reservato tamen che, in caso de appellation de sententia diffinitiva, serano tenuti de dar bona segurtà avanti che haver la deliberation de quello serà judicato, per render quelli, casu che da le sententie dei diti conservatori fusse infirmata per la corte suprema, over che la fusse anullata et che per fornir et judicar (sic).
     
      Item, perché l'è apparente, che dapoi la publication de questa pace se troverano de ciascheduna parte più zente vagabunde, et de quei che serano lezieri et inclinati a tute robarie, latrocinii e piliarie, et se non serà proveduto potrà intervenir de gran pericoli, et non potrano li homeni de ambe le parte andar seguri per lhor camini cum suo mercadantie né altramente, è stà deliberato che tute le zente da guera et altri vagabundi che non vorano tornar a far lhor mestieri o exercizii, over non haverano el viver da le ordenanze dei principi, intertenimento over servitio da' signori, del che facino aparer per lettere dei lhor signori i qualli serano respondenti [604] de quelli che haverano a esser suo' servidori, siano tenuti quelli partir et retornarsi fuora de le terre, soto pena de esser banditi dai paexi de ciascheduna parte, et esser abandonati a tutte justitie, et de poder esser presi corporalmente et menar a la più propinqua justitia per punirli, bandir et constrenzerli a partir di quel paexe senza poterli ritornar, et esser puniti del caso del qual serano trovati esser incolpati, senza far alguna renoncia, remission o judicio o la justicia dove vorano dir esser subjecti.