Et il zorno sequente, l'altra nave di comun, patron Daniel Pasqualigo, armata con homeni 300 etiam si partì, et fece vella. Et dicta barza capetania, era di portà di botte 2000, et si vedeva molto da lonzi velizar, et pareva uno castello sul mar.
     
      Et a dì dicto, nel consejo di pregadi, li fo facto la sua comissione che dovesse navegar fino in bocha di colfo con l'altra barza Pasqualigo in conserva di le nave di Soria, state zà alcuni zorni sora porto ad aspectar queste do barze per esser accompagnate. Et zonto a bocha di colfo, esso capitano dovesse tuor la volta di Cicilia per asegurar li navilii de' formenti e star li sora Caobon per tutto il mexe di lujo proximo, scorsizando i corsari e i nemici di la Signoria nostra. Poi si dovesse partir et vegnir in Levante. Et che la nave Pasqualiga, perché al presente non se intendeva in Levante esser fuora corsari, che lei sola dovesse andar acompagnar le nave di Soria. Et cussì a levante e ponente fo provisto.
     
      [1497 04 19]A dì 19, vene lettere di campo di 15, date a Felizano. Come in quella matina ivi, a hore 12, era stà publicato el levar di le offese, et a hore 15 in Aste, la copia di la qual publicatione qui sotto sarà scrita, acciò se intenda il tutto. Et fo publicato di sabado, a dì 15, come ho scrito di sopra.
     
     
      Questa è la publicatione dil levar di le offese,
      publicata in Feliciano a dì 15 april 1497.
     
      Essendo parso a lo illustrissimo signor ducha di Savoglia, come desideroso de la quiete universale e de remediare a li mali che poteseno parturir i presenti movimenti et preparatione de guerra, che sono et se fanno dal canto del cristianissimo re di [608] Franza per una banda, et da quello anche de la illustrissima Signoria de Venetia et illustrissimo signor ducha de Milano per l'altra, de intrometersi de voler anticipare el tempo de la triegua facta tra lo prefatto signor re de Franza et el serenissimo re di Spagna che comenza a dì 25 april proximo, et essendo per li preffati illustrissimi Signoria di Venecia et signor ducha de Milano dato facultà al prefato illustrissimo signor ducha di Savoia de poter far levar le offese e suspender le arme a le zente sue, facendo lo medesimo francesi: per lo qualle effecto, essendo mandato da lo preffato signor ducha de Savoia monsignor de Castelvechio suo consigliero et governador de Bressa, et rechiesto, in nome de sua excelentia, lo illustre conte de Petigliano governador generale de la illustrissima Signoria de Venetia, i magnifici domini Andrea Zanchani et Nicolò Foscarini proveditori generali de la preffata illustrissima Signoria in questo felicissimo exercito, e lo illustrissimo signor Galeacio Sforza Visconte capitano generale de lo illustrissimo signor ducha de Milano che se voleseno levare dicte offese, perché farà fare quel medesimo a' francesi, per obtemperare a li mandati de sua excelentia, per tenore di la presente crida, per parte de li prefati signori conte de Petigliano, magnifici domini Andrea Zanchani e Nicolao Foscarini et el signor misier Galeazo Sforza Visconte de Sanseverino, se notifica a cadauna persona come, da questa hora avanti, se sospendeno le arme, e se faza astinentia de guerra tra le giente de li prefati illustrissima Signoria de Venecia et signor ducha de Milano, de cavalo et piedi e subditi sui da una parte, e queli de lo illustrissimo re di Franza, de qualonque sorte abia advegnire, che son de qua da' monti, e li subditi de Aste per l'altra.