Et cussì, a dì 24 april, in Felizano fo pubblicata dicta triegua, et havendo francesi, erano in Aste, et domino Joanne Jacobo Triulzi mandato in campo uno suo a dimandar quello era a' nostri in opinione di voler far, li proveditori, con il capitano nostro et duchesco, mandoe uno trombeta in Aste a dirli le parole che qui sotto sarano scrite.
     
     
      Parole ditte per il trombeta a li capitanii francesi in Aste,
      nel presentarli la publication nostra del acceptar di la tregua.
     
      Havendo voi signori capitanei francesi mandato per il magnifico misier Alexandro Malabalici ad recerchare li signori del campo nostro se 'l se volea acceptare la triegua facta fra la majestà del cristianissimo re di Franza et li serenissimi et catholici re et regina de Hispania, con tuti li signori confederati, altri re, potentie et adherenti soi, le signorie sue me mandano ad vuj tuti qual sete in Italia ad nome del prefato cristianissimo re di Franza, per significarvi che hano facto publicare la acceptatione de la dicta triegua, et portarve la copia de la publicatione facta, et intimarve come l'hano publicata et acceptata.
     
     
      Questa è la publicatione di la triegua.
     
      Essendo convenuto la majestà del re di Franza con li serenissimi et catholici re et regina di Spagna de far tregua, et havendola facta fra le majestà sue et soi confederati et altri re, signori, potentie et adherenti nominati in li capitoli de essa tregua, la qual tra le preffate majestà comenzò a dì 5 de marzo passato, et a li 25 del mexe presente d'aprile [610] comenza con li altri predicti confederati et altri re, et signori, potentie et adherenti de li preffati serenissimi et catholici re et regina nominati come de supra, si fa notto et manifesto che, essendo la intentione de li soprascritti signori, potentie et adherenti de observare questa tregua, et havendola acceptata, et mandato li mandati soi in Hispania per questo effecto, per major declaration de questa sua bona dispositione a la observantia predicta, per questa publica crida fano intender la acceptatione de dicta tregua esser facta al modo e forma che la è ordinata da li serenissimi et catholici re et regina de Spagna, et se intima ad omnem persona, de qualunque sorte, grado et conditione se vole, o soldato o non, che, incominziando domane che serano li 25 del mese, debia cesare de offendere fino al tempo expresso ne li capitoli de la tregua, che è calende de novembrio proximo.