Erano arente un monasterio de monache che se dise Las Huolvas e introron lì, e lo signor re se cambiò de vestir, tuto de pani d'oro con recamadure vestito a la francese, chavalchando a la francese su una chinea. E andoron a la volta di la cità, la intrada di la qual non vi dicho, che vi certificho non compiria mai. Paria che 'l cielo e la terra si intrava, de tronpette, bifari e taballi, claroni e gente infinite, pompe e galantarie instimabile. Laso lo pensar a voy che li avete visto altre fiate.
     
      Qui driedo sarano poste 4 lettere che sequita la dita intrata di la signora princessa in Burgos. Una scrita a la Signoria nostra per domino Jacobo Contarini doctor et cavalier orator nostro, et tre altre di domino Joanne Hironimo Visconte orator dil ducha de Milano, mandate al preffato suo signor.
     
     
      Copia de una lettera di l'orator nostro in Spagna al serenissimo principe veneto.
     
      Serenissime princeps et excellentissime domine mi colendissime. Hozi poi, dovendo la illustrissima [618] principessa fare la intrata sua in questa cità, tute le strade per la quale la excelencia sua era per passare fono adornate de razi et altre tapezarie a la usanza del paese asai vistosa et richamente, et mandati inanzi prima tutti questi signori et cavalieri del sangue regale, vestiti di pano d'oro et de seda smaltadi molto richamente a lhoro modo, sopra mule guarnite con fornimenti d'arzente magnifichi et somptuosi, con molti a la staffa vestiti a la sua livrea ben in hordine et in ponto. Seguireno possa quelli del conseglio de Aragon, de Cathelogna, questi de Castiglia et li altri del consejo secreto, con tutti li zenthilomeni et citadini qui de la cità, che incontrati con la prefata illustrissima principessa, dismontorono da cavalo et li basono la mano.