Con lei era il serenissimo re vestito de uno sajo de brochato d'oro rizo biancho, con uno tavardo de veluto cremesino alto e basso con lo capuzo recamato, con una bellissima collana, sopra una mulla tutta guarnita de piastre d'oro e d'arzento. Quale la tolse ad man destra, et apresso a lei lo oratore neapolitano et me, et allato de so majestà el cesareo et veneto. Et cum questo ordene cavalchassemo ad uno bellissimo et richo monastero de monache chiamato Las Veglias, distante al loco del incontro un quarto de miglio, et de la cità circha [621] uno. Al qual epso signore re ce disse havere per antiqua consuetudine obligo de smontar in casi simile. Dove dimorato alquanto la sua majestà, stando la principessa con le monache per qualche spacio, mutose de habito et se vestì de una turcha de brochato d'oro tirato a la francese, fodrato de ermelino, cum una bereta de veludo cremexin ad la francese, con molti filli de perle et altre molte belle gioje in loco de bindeli, con uno colare de gioie molto belle. Et montò uno cavalo liardo de meza taglia francese, con fornimento de veluto cremesino et una coperta pure de cremesino quale lo copriva tuto de dreto, coperto tutto de rechami et fiochi d'oro e de campanele d'arzento longe mezo palmo. Et remontata con sua majestà la principessa nel habito primo, se la tolse ad man dextra, et drizata la comitiva inanzi zenza ordene, apreso li trombeti, piffari e tampani in grandissimo numero, andavano dreto in paro li dui infanti de Granata, lo archiepiscopo de Sibilia patriarcha et lo infante de Navara, li oratori veneto et io, cesareo et neapolitano, don Enricho barba de sua majestà con la spada, poi dreto il signor re cum epsa principessa, ultimamente le done sue.