E dice che ogniun al Cajero sta molto sospeso, perché l'avea pur di partesani, et poi si vede la terra spojada de signori, né non zè da farne che siano homeni da conto né atti a le arme, siché il paexe sta malissimo, spogliati de capi e de zente. Dicono esser stà presi do armiragii de 1000 lanze e altri assai, zoè Caumbei capitano del Baere et Zambelat. Forsi adesso cesserà le cosse; che Idio voglii, et lasi seguir il meglio. Data in Alexandria a dì ... marzo 1497, scrita per il capelan dil consolo a domino Alovisio Arimondo, olim consolo stato in Alexandria.
     
      Nota. Morite retor a Retimo ser Cabriel Pizamano a dì 17 marzo 1497, in loco dil qual, per il rezimento di Crede ch'è superior a tuta l'isola, fo mandato vice retor ser Antonio Zantani consier in Crede era. El qual, zonto a Retimo, ser Antonio Baffo e ser Bernardino Polani consieri non volseno aceptarlo per vice retor, né obedir le lettere dil rezimento di Crede; anzi el Baffo, come mazor di tempo, si fece vice rector, indugando quella terra a sedition, che parte obediva lui et parte obediva il Zantani. Per tal discension, achadete che 'l famejo dil Polani consier, altercandose di parole con el famejo dil Zantani, quello amazò. Et el vice retor Zantani fece quello prender, et il Polani lo fese relassar, e [640] fuzite a caxa sua e lo ascose in una cassa. Tandem, formato processo per il Zantani con l'altro consier Baffo, fo mandato a tuor ditto homicida di caxa per forza dil Polani dove era, e preso, la matina senza dimora lo feno decapitar.