E inteso tal cose in Candia, subito ser Hironimo da Pexaro capitano di Crede ivi cavalchoe per reformar tal desordeni, e fece che Retimo obed́ il Zantani per lhoro mandato per vice retor, et scrisse a la Signoria, e fo leto la lettera in pregadi, ex quo, intrato el consejo di X, spazono un gripo in Candia con lettere che fosseno mandati diti do consejeri in ferri di qui al consejo di X. Et cusś veneno.
     
      Da Costantinopoli, di 4 mazo per via di Syo. Se intese el Signor turco, a d́ 31 marzo, dapoi la oration, ha desmesso Daut bassà el mazor di tutti li bassà di la Porta, e la caxon non se intende. Hallo mandato a star al suo timari al Dometico apresso Andrinopoli, con provision di aspri 300 milia a l'anno, senza haver obligation di andar in campo. Si dice à chiamato Schander bassà in loco suo, qual prima era bassà. Etiam, che Misit bassà ha mandato fuora 4 fuste de Galipoli per bisogni di Stalimini e altre insule circostante.
     
      Item, Camalĺ corsaro turco si trova a la Porta con aspri 20 al zorno, et è patron di una di le do nave grosse fa far el Signor; e l'altro corsaro Erić, è pur a la Porta con provision aspri 15 al d́, è patron di una di le 3 galiaze grosse.
     
      Item, si ave per lettere dil Sagudino, è nostro secretario a Constantinopoli, come il Signor turco, inteso le trieve fate con Franza, sta in timor.
     
      [1497 06 04]A d́ 4 zugno, gionse qui a Veniexia 2 charavele di zuchari di Medera, et 2 altre sono zonte a Liesena. Dicono erano 9 charavele. In Cicilia fonno asaltade da' corsari francesi, e queste se separeno con la vella di le altre e fuziteno.