Et havia remesso a esso re tutto il debito dil censo che dovea pagar a la Chiesia per li anni passati, et in recompensation dil ditto, esso re dava et investiva el fiol dil papa ducha di Gandia, che era a Roma, dil duchato di Benivento, Teracina e Pontecorbo. Et cussì Benivento el papa have per dicto suo fiol, per il qual se inzegnava di far ogni cossa per darli stado in Italia, et a hora a questo modo principioe. La qual coronation, judicio meo, non era tempo di far ancora, maxime tratandossi la pace con Spagna et Franza. Pur li parse di far tal deliberatione.
     
      In questi giorni, el signor Zuane dal Rovere preffeto di Roma et signor di Sinigaja, stato zà più di anni do in reame a Sora a soldo dil re di Franza, vene a Sinigaja con 500 cavali. Et sua moglie et sorela dil ducha di Urbin li andò contra, et fo recevuto da li soi e da quel populo con grandissima alegreza.
     
      Da Zenoa, lettere di Domenego Malipiero proveditor, de 8. Como era zonto ivi 5 barze spagniule carge de formenti venute di Malicha e Armeria, e che zenoesi non haveano voluto le intrasse in porto, né ivi vendesse, per esservi assà formenti in la terra; ma le mandono a le Speze acciò de lì potesse vender et a' pisani et a quelli di Ligorne, se ne voleano.
     
      Item, erano lettere di 11 da Lion. Come era ussita una barza dil re da Rocelo di Bertagna con 400 homeni suso, unde, zenoesi dubitavano di le sue nave che erano in Ponente. Et che esso proveditor non havia abuto ancora la licentia di partirssi; ma si volea partir per andarsi a Corsicha, over per quella Riviera a fornirsi de vin: poi torneria a Portofin, et havia lassato ordine al secretario nostro ivi li mandasse le lettere di la Signoria.