Et ex nunc, vuol patir ogni penna, et che si non fusse stà per dubito di spagnoli, che amava molto el ducha, che non li havesse facto qualche oltrazo a la persona, saria venuto ozi in concistorio, etiam per non conturbar la santità vostra, si quella credesse le zanze vien ditto. Et esso reverendissimo monsignor mandò per mi eri che dovesse exponer questo a la b. v. ex parte sua, el qual è nel suo palazo di vice cancelier." Unde, el pontifice rispose: "Idio non voglia che habiamo tal fantasia; né si potemo pensar mai che sua signoria ne facesse un minimo torto, maxime sì grando come è stato questo, perché l'havemo reputato per fratello, et in ogni sua occurentia et de l'illustre signor ducha suo fratello, de nui ha disposto come a sua signoria ha parso: siché non havemo niuna scyntilla di questo, et ogni volta che 'l vegni, el sarà ben venuto." Et poi li oratori, gradatim, etiam si dolseno, et fo disciolto el concistorio, meravegliandossi ogniuno di tal deliberatione, et più che 'l pontifice etiam disse: "Non volemo più atender al governo di la Chiesia; ma questi 6 cardinali sarano quegli che atenderano a elexer uno legato in Spagna, et a la quiete de Italia." Scrisse etiam esso pontifice a li potentati di la [655] liga di questo caso, et come honorifice era stà sepulto el dito ducha di Gandia, et la deliberatione havia fatto di cardinali etc. Et el brieve che scrisse a la Signoria, qui drieto, potendo averlo, sarà posto. A Roma seguiva pur la peste, et li cardinali erano itti fuori.