Item, come ivi con la cesarea majestà si [675] ritrovava el concordiense legato apostolico, el comandador di Haro orator yspano, domino Francesco de Montibus orator di Napoli, et domino Sancto Brascha fratello di domino Erasmo, che alias ivi fu oratore per Milano. Adoncha, Zorzi Pixani orator nostro era in camino, et non arivato.
     
      Da Cataro, vene lettere di Marchiò Trivixam capitano zeneral nostro. Come a dì 21 dil passato era zonto ivi con la sua galia, et che quelle cosse erano conze benissimo; turchi andati via senza haver facto alcun danno, tamen zupani havea jurato fedeltà a esso Signor turcho.
     
      Item, dimandava licentia di vegnir a disarmar, sì per non esser importantia el suo star più fuora, come etiam per esser vergogna tegnir uno capitano zeneral fuora con sì pocha armada, et do proveditori.
     
      [1497 07 07]A dì 7 ditto, fo preso parte nel consejo di pregadi che 'l preditto capitano zeneral nostro da mar, zonto che ivi sia Domenego Malipiero proveditor di l'armata, che di Genoa partito con 6 galie lì a Cataro navigava justa i mandati di la Signoria nostra, dovesse esso capitano solo con la sua galia vegnir a disarmar, atento che non bisognava gratia Dei al presente tenir capitano zeneral fuora.
     
      Item, che etiam Hironimo Contarini, l'altro proveditor di l'armada, el qual era andato, come ho scripto, in l'Arzipielago, per esser stato assà mexi fuora, dovesse, asegurato che l'habbi le galie di Levante nel passar, vegnir a disarmar. Et cussì al capitano et proveditor fo dato licentia.