Da Milano. Avisi di sopra, come el re era ancora a Molins, et monsignor di Lignì tornato in Franza. Che 'l cardinal San Piero in Vincula, a dì 19, era zonto a Susa di qua da' monti, et che 'l veniva in Italia. Pareva el venisse con volontà dil re. Tamen, che prima havia dicto esso cardinal anderia per una via in Aste, et poi ne fece una altra.
     
      Item, che intendeva el re haver mandà comandamento a le riviere di Provenza che non fusse lassato ussir niun navilio se 'l non deva segurtà di non far danno a la liga, perché soa intention era di mantegnirla, justa la promessa.
     
      Et da Zenoa. Per lettere di Zorzi Negro secretario nostro, el qual continuamente domandava licentia di repatriar et fusse mandato uno altro secretario ivi; et che l'armada di zenoesi ancora era fuora, et che volevano tenirla ancora per do mexi, et che li altri confederati erano contenti, et cussì lui havia contentato nomine dominii. Et alia scrisse etc.
     
      De Yspruch, vene lettere di Zorzi Pixani dotor et cavalier orator nostro, date a Impst a dì 19. Chome esso orator, vedendo che era stato cinque zorni a Yspruch et che 'l re non era venuto, era [696] transferito de lì a Impst, et havia trovato la cesarea majestà esser in campagna. Al qual havia mandato a rechieder li volesse dar audientia, et che subito abute rescriveria etc. Advisa demum di le cosse di Ingilterra. Tamen, il falso, et che quel re Henrico era stà roto. Che non era la verità, come per lettere d'Anversa se intese, zoè in merchadanti, che quelli capi sublevati contra il re et apropinquati a la terra di Londra mia 3, par il re li mandasse zente contra, et tamen con pocha occisione fono roti e rebatuti et presi alcuni capi, tra li qual uno nominato Menaschalcho, et altri i qualli fono spogliati di lhoro haver et publichati come rebelli.