Data Monobasiae.
     
      [1497 08 05]A dì 5 avosto, nel consejo di pregadi, fo decreto che 'l capitano zeneral nostro, che era a Cataro et havia abuto licentia di vegnir a disarmar, visis praesentibus, dovesse lassar a Catharo Domenego Malipiero proveditor di l'armada con 2 galie, et esso capitano, con il resto ch'è n.° ... dovesse andar in Arzipielago a trovar Hironimo Contarini l'altro proveditor di l'armata, con auctorità di armar navilii, retegnir nave etc. et proveder a la dicta armata turchescha che in quelle parte danizava, et asegurar [704] maxime le galie di Levante, che di zorno in zorno, doveano andar a' lhoro viazi, et li capetanii erano zà in Istria. Et fu suspeso etiam la licentia data al Contarini, Zuam Francesco Venier et Polo Paladin lisignam di vegnir a disarmar, perfino altro non haveano da la Signoria nostra. Et cussì, con questo tal ordine, fo expedito uno gripo con lettere al zeneral.
     
      [1497 08 04]Ancora, a dì 4, fo preso parte, atento che era sopra la dicta galia dil Zafo domino Zacharia di Garzoni, el qual haveva beneficii di la religion di Rodi, che si per aventura il caso fusse succeso, che 'l fusse scrito a l'orator nostro in corte che dovesse impetrar quelli medemi beneficii a uno fiol di Francesco di Garzoni suo barba, che era garzon. Et cussì a Roma fo expedite le lettere.
     
      [1497 08 02]A dì 2 ditto, da matina, si partì di questa terra Bertuzi Valier, andava orator al ducha di Savoia in loco di Marco Zorzi. Et andoe a Padoa, poi verso Milano, et demum li fo mandato la comissione.