Et che il re era vestito a la francese, et tuta la sua corte, et che niun baron di li vechii, zoè Salerno, Bisignano et altri, non erano stati in questa incoronation. Et che 'l re havia fato 4 cavalieri et pronontiato alcuni duchi.
     
      Item, da poi fata questa incoronatiom, esso re con il legato et oratori ritornorono a Napoli, perché più non si moriva da peste. Et le raine vechie erano ivi ritornate; ma soa moglie si ritrovava a Leze, come ho scrito di sopra.
     
      [1497 08 17]A dì 17, nel consejo di pregadi, per li savii dil consejo et savii a terra ferma fo meso parte et presa fu, che de caetero, atento le gran pregierie si facevano et che li senatori non potevano atender al governo publico, non si facesse quelli offici che prima si faceva in dito consejo; ma che far si dovesse nel mazor consejo per quatro man di electione et non per la bancha, exceptuando perhò li savii di colegio, zoè savii dil consejo, savii di terra ferma, savii di ordeni, cassieri, provedadori sora l'arsenal, ambasadori, provedadori in campo, pagadori et sinichi da mar. Quelli officii veramente che, de caetero, si farà in gran consejo, son questi:
      [714]Oficii si faranno nel mazor consejo.
     
      3 Sopra le cazude.
      3 Sopra el Polesene di Ruigo.
      2 Sopra la doana di mar.
      3 Sopra i procuratori a Rialto.
      3 Sopra la sanitade.
      3 Sopra le pompe di le done.
      3 Sopra le aque.
      10 A l'oficio di diexe savii.
      2 Provedadori sora l'armar.
     
     
      Di fuora.
     
      Capetanio di le nave armade.
      Sopracomiti.
      Provedador a Nychsia.
      Patroni di nave di comun.
      Provedador a Monopoli.