Pietro Pitti.
      Francesco Martelli de Ruberto.
      Fantone di Fantoni.
      Tomaxo Corbinelli.
      Andrea de' Nobeli.
      Bortholamio Dini.
      Lamberto de l'Antella.
      Don Guido prior di Angeli, confesor di Piero.
      Cristofalo di Caxale, alias canzelier dil conte Zuane da la Mirandola.
      Et certi altri di bassa conditione.
      Madona Lugrecia sorela di Pietro de Medici et moglie di Jacomo Salviati.
     
      Item, Francesco governatore di la caxa de Medici, uno factore dil signor Francescheto, et uno factore di Joanni Cambio.
     
     
      Li quatro doctori electi per dechiarirse li cinque citadini sententiati a morte se poteseno apelar, over non.
     
      Misier Guido Anton Vespucio.
      Misier Lucha Chorsini.
      Misier Francesco Gualteroti.
      Misier Carlo Strozi.
     
     
      Item sono absentati e scampati a Bologna.
     
      Pietro Tornaboni.
      Giovanni Davanzati.
      Carlo Gerardi et li altri soprascriti, parte a Bologna et parte su quel di Siena.
     
      Adoncha, per più intelligentia di la presente novità sequita in Fiorenza, è da saper che li otto di la balìa et il confalonier che al presente governa per questi mexi do, li qual finirà questo, la cità di Fiorenza, sono inimici di la caxa de Medici, lo nome di qualli saranno qui sotto scripti. Par che, al principio di avosto, fusse retenuto uno stafier, o per dir meglio corier, el qual andava inanzi indriedo portando lettere a Piero che era a Brazano, non molto lontano di Fiorenza, el qual preso, confessoe era tratato in la terra di far intrar Piero, et cussì fue fato per la Signoria apichar. Et demum, a dì 5 fo retenuto Lamberto di l'Antella, chome ho scripto di sopra, et a dì 7 cinque altri citadini, et a dì 9 el resto.