Anche andoe le 3 galie di Baruto capitano Francesco Valier, aver di cassa ducati 60 milia. Et per esser stà pochi, arzenti fono pagati ducati 5 grossi 20 in 21 la marcha, e fo levate di questa terra quasi tute monede di ogni sorta per manchamento di arzenti in peza etc. testoni.
     
      Vene lettere di Andrea Cabriel ducha di Candia, [735] de 29 lujo, scrite a Tornado Civran da Modon, come in Candia si trovavano in gran necessità di viver, perché, cercha el principio di marzo, nel fiorir di le biave, usò ostri per 4 zorni caldissimi, che arse tute le biave. Adeo, non haveano formenti per 4 mexi.
     
      Item, le vigne esser stà manzate da' vermi nel fiorir, che consumono i fiori e foje in molti luogi di l'isola, et per li sechi usadi da poi ha fato gran dano a le vide.
     
      [1497 08 24]In questo zorno, a dì 24 avosto, nel consejo di pregadi, fo astreto che Zuam Paulo Gradenigo, andava pagador a Pisa con auctorità di poter synichar quelli havia manizato ivi danari di la Signoria nostra, dovesse partir fin 3 zorni, sotto pena de ducati 500. El qual perhò era in hordine. Al qual fu dato per dar una paga a quelle zente e stratioti duc. 3000, perché Zustignan Morexini proveditor et Francesco da la Zuecha secretario continuamente scriveva li fosse mandato danari, acciò stratioti et quelle zente poteseno haver le sue page. Et cussì, a dì 27 ditto, esso Zuam Paulo Gradenigo partì di questa terra. Andoe a Padoa, demum a Pisa, et arivò a ... a dì 9 septembrio, molto honorifice recevuto.
     
      Ancora, in dito consejo, fo messo una parte et presa contra quelli faceva contrabandi in questa terra: che, oltra tute pene, quelli faceva fosse banditi di questa terra per anni 5, et dovesse star in prexon anno uno.