Et demum partite per Crema. Et essendo a Brexa, el Boldł urinoe sangue, e dubitavase non potesse seguir la legatione per esser etiam frescho dil mal. Et abuto alcuni remedii varite, et a dģ 23 introno in Brexa, poi a Crema et a Milano. Et la sua comissione, la qual fu facta a dģ 5 setembrio et driedo la fo mandata. Erano boche 42 et forzieri 40, et li fo mandato el presente driedo di arzenti doveano far al signor principe per alegrarsi di le noze, di marche 200 d'arzento, justa la deliberation fata nel consejo di pregadi. Et li fono mandati questi: tre bazili grandi et ramini a ducati ... la marcha; do vasi grandi smaltadi marchi 60, et una copa bellissima dorada a l'ongarescha, chiamata poto, marchi 26. El qual havea Bortolo di Nerli fiorentino, et fatoli le arme con 5 marchi, a dicti oratori mandono.
     
      In questo tempo, ritrovandosi esser a Brexa podestą Zorzi Corner cavalier splendidissimo et fratello di la serenissima regina di Cypri, parse a essa regina voller andar a piacer, et per veder la terra et il fratello, di Asolo loco suo in trivisana dove habitava, fino a Brexa. Per la qual cossa, brexani terminono farli grande honor, et spender duc. 10 milia in honorarla et farli una zostra. Et l'hordine dato, quivi sarą posto per farli honor. Prima: terminono brexani mandarli fino a li confini di brexana 12 zenthilomeni, cavalieri et doctori, ben acompagnati. Al Dezanzan, ch'č sul lago di Garda, anderą esso Zorzi Corner podestą con decente compagnia. A Lonado serą la podestaressa con molte done.