Ma Filippo Trum sollo, savio dil consejo, messe che fusse facto il zorno sequente electione, et scrito a Roma che 'l pontifice dovesse poi conferir a quello che per il dito consejo saria stà electo, come fu facto etiam el sopraditto defonto. Et montoe in renga parlando in favor di la sua parte, mostrando etiam leze che non si poteva niun impetrar beneficii da Roma se prima non era messo parte in pregadi et scripto per lhoro in corte. Li rispose poi Antonio Grimani dimostrando la raxon che havia; come suo fiol ajutava sempre questa republica in corte, et che l'era povero cardinal; et che si suo fiol l'haveva, si sparagnava ducati 14 milia di (a)nata, perché cardinali non paga (a)nata, et alia verba. Li rispose Hironimo Lipomano dal Banco, perhoché havia uno fratello a Roma prothonotario, et sperava romagneria in pregadi. Et Luca Zen savio dil consejo, et Marco Sanudo savio a terra ferma, meseno a l'incontro che fusse scripto a Roma che la sanctità dil nostro signor dovesse soprasieder di far eletion di questo patriarcha, fino li fusse scripto di uno zenthilomo nostro cui paresse etc. Et balotade le parte, quella dil Trum have 121, quella dil Zen e Sanudo 65, di no 8, non sinciere 8. Et cussì fo preso il zorno sequente di ballotar dicto patriarcha, et chi se volleva metter a [748] la pruova, potesse. Adoncha, a dì 5 ditto, tutti li infrascripti si messeno a la pruova, et rimase el reverendissimo cardinal Grimani, sì per li meriti di sua signoria, qual dil clarissimo padre optimo senator a la republica, et etiam perché il consejo vete la humanità de dicti Grimani, che, non obstante havesse la reserva dil primo, ut superius dixi, beneficio vachante da duc.