2000 in suso fatta in concistorio, etiam si volse far ballotar et metersi a la pruova, perché non voleva niuna cossa contra il voler di questa terra. Et questi quatro parloe in pregadi in recomandation di soi: Alvise di Prioli per suo fradelo: Baldisera Trivixam per el fiol; Hironimo Lipomano per il fratello, et el dito Antonio Grimani per el fiol cardinal, el qual havea solum ducati 2400 de intrada. Et il Dandolo primocierio fece far questa oferta, che rimanendo patriarcha, renonciava tutti i beneficii l'havea a la Signoria nostra. Et cussì, rimaso el Grimani, subito fo expedito corieri a Roma, et Antonio Grimani suo padre dimostroe grandissima alegreza, vedendo questa terra, per il merito di suo fiol reverendissimo cardinal et suo, averli concesso questo beneficio, licet l'opinion di la terra non era di darlo in comenda. Ma, havendo el Michiel quel di Verona, et il Zen quel di Vicenza, parse al pregadi etiam dar questo patriarchà al Grimani, el qual, oltra al capelo, non havea duc. 1700 de intrada, et tamen steva in corte con gran pompa, operandosi in concistorio a' servisi di questa Signoria, et alias col cardinal San Zorzi per questo stado se apizoe di parole. Or qui soto sarà notado chi fo balotadi, et in memoria hominum, non si trova più un cardinal con altri esser stà balotado. Et non voglio restar da scriver questo, come el dito Antonio Grimani fece una renga, da ogniuno laudata, et tanto comosse el pregadi, che suo fiol ave balote 149.
     
     
     
      1497 a dì 5 septembrio, in pregadi.