Et dicte zente, di suo ordene, cridava Marco, Marco, et a tute dete danari, et manḍ a notifichar a la Signoria come l'havia pagato le sue zente dil suo, le qual le teniva per li bisogni di la Signoria. Conclusive, el feva ogni cossa per [751] ritornar in gratia, volendo justificarsi, chome ho scripto di sopra. Ma nostri mai volse.
     
      Noto. A d́ 28 avosto, vene lettere di Palermo di 5 avosto per via di Napoli, che 'l vice re havea fato la descrition di formenti di l'isola, e visto la quantità esser pocha, havea levà le trate per tutto fino havia licentia dal re di Spagna. La qual nova fé alzar li formenti di precio, valea l. 6, s. 8 il ster. E questo fo li marani stava qui, i quali se inteseno col viceré e feno vendeda a la Signoria di stera 70 milia a l. 7 s. 10 il ster a dita di banco, e voleano esser soli venditori.
     
      Da Brexa. Lettere di primo septembrio di gran preparamenti si faceva per la venuta di la raina, et che, oltra el signor Galeazo, etiam vegniva Frachasso e Antonio Maria soi fradeli, et il signor Gilberto da Carpi. Et dicono menerano 16 giostradori, et le persone lhoro alozarano in caxa dil conte Zuam Francesco di Gambara. Et che 'l ducha di Milano dice, che la duchessa olim sua consorte fo cusś honorata da questa rezina quando la vene in questa terra et l'anḍ a visitar a Muram, dove la raina habitava, che conveniente li par honorarla in parte anche lui.
     
      Item, el cardinal fiol del ducha di Ferara, con suo cugnato marchexe di Mantoa etiam doveano vegnir incogniti a la giostra, et alozerano a caxa dil conte Alvixe Avogaro, el qual perḥ era per una causa in questa terra, et subito a Brexa cavalchoe, tolto prima licentia dai cai dil consejo di X di acetar li dicti in caxa.