Titolo dil cardinal di sopra, more solito: Dominicus, tituli Sancti Nicolai inter imagines, sanctae romanae Ecclesiae diacono cardinali et patriarcha aquilejensi.
     
     
      Copia de una lettera venuta di Brexa,
      che narra la intrata di la majestà di la regina e li triumphi facti,
      scripta a domino Nassino de Nassinis,
      era orator di quella comunità a la Signoria nostra.
     
      Spectabilis et generose major hanorande. Per advisarvi de la honorificentia fatta heri a la majestà de la rezina nel suo intrar de la cità, vi avisarò succinte. Ma sapiati certo, che se 'l fosse stà el serenissimo principe de Venecia, né lo imperatore, non so se più se li potesse esser fato et più ordinatamente, adeo che questo magnifico podestà et tutti questi magnifici zenthilomeni, et maxime d. Nursio cancelario, tutti uno ore dicono che in Roma non seria stà possibile haver fatto più honor, né cum più ordine. El qual fo questo ne l'intrar.
     
      Prima. Erano coperte tute le strade de pani, da la porta de Santo Nazaro fin a la casa de domino Ludovico da Martinengo dove sua majestà alloza, et questo pallazo ornato de pano d'oro, de tapezarie et de verdure a l'anticha, che non se potria azonzere. La sua majestà se partite da Castello heri, et vene in careta fin nel revellino de Santo Nazaro, dove desmontò sotto a uno pavion dove era una sedia coperta d'oro, su la qual se mise a sentar. Et similiter el conte di Pitigliano, et li magnifici rectori et altri signori e zenthilomeni. Et dapoi sentati, scomenzò a passar li stradioti e cavalli lezieri ben in ordine, dapoi li cariazi de la regina, quali introrono de dentro del revellino.