Le qual galie, atrovandome sora Saragosa, quelle erano in Faro de Messina, et dapoi, tolto la volta de Lipari, sono andate verso ponente. Siché ti lasso considerar come sto per non haver qualche galia con mi etc. et sollo sopra questa montagna e senza libertà etc. Io scrivo e dimando licentia a la Signoria, o vengi a disarmar, o mandi uno altro capitano volendo tegnir la nave fuora. Idio perdoni etc.
     
      Da novo, di le cosse de Tripoli e Zerbi, come arai inteso, che l'ambasador de Tripoli, con el meso de Zerbi insieme con el fradelo de Nadalin di Fantini, esser zonti a Palermo per andar a la majestà del re di Spagna, per contratar e darli Tripoli, come per avanti haveano dato Zerbi. Di le qual tute trame, Nadalin di Fantini è stà capo et inventor dil tutto. El qual par che novamente sia stà decolato a Zerbi, per la qual morte tegno le cosse preditte se desolverano, e tornerano in pristinum in poter dei mori, perché ormai questo re di Tunis se hè ben astasato et amato dai soi populi, come si dice. Siché [772] tegno tuto tornerà a la sua devution. Insuper, le duo galie forno de Fazin de Pau, prexe per avanti da' mori, et quelle novamente armate a Tripoli, sopra le qual sono el forzo turchomani et de artelaria benissimo in ordine, fra le qual le bombarde grosse fo de la nave Contarina naufragata in ditto luogo, le qual, atrovandose sopra Cavo Maxarato, se incontrorono con una barza nominata la Madalena carga de formenti con homeni 50, e quella combatuta per cinque fiate con grande ocision de' turchi et non l'avendo posuta intrometer, con l'artelaria la mandorono a fondi, et presi i homeni li hano menati per cativi a Tripoli.