Siché, a dì 22 de note, con li 2 gripi, la mia barcha et 2 altre barche et 2 nostri marani incontrati in quel zorno sopra el predicto Capo Spartivento, mandai l'armiraglio mio con 300 valent'omini con i predicti gripi e barche in hordine, che una hora avanti zorno dovesero circondar la predicta torre dove se atrovava dicto corsaro. El qual armiraglio, per la distantia dil loco, non havendo posuto arivar a l'hora predicta, tamen, al sol levato messe in terra, et descoperto de esso corsaro, animosamente con le sue zente li vene incontra. Et apizata la scaramuza, durò per spacio di 6 hore, et questo per el socorso li dete el traditor del marchexe de Cotron forauscito, nominato don Antonio Centiglies residente in dicto loco de la Rozela in nome de' francesi, de homeni a pe' et a cavallo. Tandem, a laude del nostro Signor Idio et honor de la Signoria et casa nostra, havendo mandato alguni altri homini in terra, havessemo la victoria, et dapoi quelli cazati in la terra, con occision de loro per n.° 17, fra li qual el scrivan de dicto corsaro, et feriti da 80, in numero di qual el suo capitano Petro Navaro [774] con duo ferite, una a la cossa, l'altra sopra a la galta, al qual havea dato taja 100 ducati vivo et 50 morto, et amazati 7 cavali et molti feriti, de li mii veramente uno morto et 16 feriti non a morte, a laude del nostro Signor Dio. Dapoi havuta la victoria, prendessemo la torre predicta con 9 homeni, et quella brusata et ruinata, et el castelano de quella, che era zenovese, fixi apichar apresso sta torre, el resto sopra el nostro maram preso per avanti per dicto corsaro, afundato apresso la marina.