Fa sia expedito subito el scrivam, et vengi a Modon a trovarmi. Data in nave a la vella for del Cavo de le Colone, a dì 28 avosto 1497.
      La subscriptione:
      ANDREA LOREDAMcapit, di le nave armade tuo fr.lo.
     
      Copia de letere scripte per el capitanio di le nave armade nostroal magnifico don Consalvo Ferandes capitanio de la majestà del re di Spagna,
      el qual al presente se atrova a Rezo de Calavria.
     
      Magnifice et clarissime ac illustrissime etc. Non è dubia cossa apresso a mi che, atrovandose in questi mari, la signoria vostra non sia informata particularmente de li excessi perpetrati per Petro Navaro subdito di la signoria vostra, contra navilii et subditi sì de la excelentissima Signoria mia, come de aliene nation. El qual, non temendo la divina justitia, né havendo respecto a le sacre e sancte legi, ha prosumpto et prosume andar su per i mari derobando et assassinando cui justamente vive con industria et sui proprii sudori, denigrando l'honor et fama de cui subditi sono. El qual, per intelligentia habiamo, con fusti proprii che soto el foro de la signoria vostra sono stà, et per vigor de algune suo letere patente se ha prevalesto, et ha tale ardir hauto, che cum quelli et quelle ha comesso i predicti mali. Le qual enormità, nui perhò se rendiamo certissimi [776] che al tuto siano de la mente et intentioni de la signoria vostra aliene, et di quelle n'habbi sentito et sente acerime pasion et cordoglio, respecto la vera confederation et affectionatissimo amor è tra la sacra regia majestà de l'invictissimo re Ferdinando vostro re cristianissimo, et la serenissima et excelentissima Signoria mia prefata.