Perhò, cognoscendo nui la regia majestà predicta haver praecipue cura verso tal ladri, et acerbamente punir quelli, sì com'è sempre consueta di far etiam essa serenissima Signoria mia, la qual per castigo di tal ladri et conservation di poveri naviganti continuamente preserva le sue armate sopra el mar; siché, cognoscendo che verso essa excellentissima Signoria mia la signoria vostra non hè manco devota de quello nui semo verso la regia majestà, et haver per singular contento conservar et recuperar ogni roba di subditi nostri, come nui etiam habiamo ateso et atendiamo ad conservation di vostri, per satisfar solum a cui servimo et representamo, per esserne cussì expresamente comesso et ordinato, perhò habiamo voluto far le presente a la signoria vostra, come a quella che ha potestà al tuto in questa parte, et ancora auctorità de poter recuperar le robe depredate a' subditi nostri per esso Petro Navaro, le qual se atrova in questi lochi vostri, come da li exhibitori la signoria vostra intenderà el tutto. E cussì li rechiedemo instantemente se degna far, perhoché sia certissima, quella farà cossa gratissima sì a la majestà regia, come a la prefacta excelentissima Signoria mia, a la qual sia certissima la signoria vostra, non li potrà far cossa più singular in segno di amor, ni a mazor satisfacion sua de questa. Pregando quella istantemente, per el portador de questa me voglii dar risposta, acciò che del tuto posiamo significhar a la prefata excelentissima Signoria mia. Con ogni amorevol effecto, pregamo la signoria vostra voglii haver per ricomandato misier Zuam Toreglia etc.