In quel che la signoria vostra dice che habbiamo in ricomandatione ad respeto de quella domino misier Zuam Toreglia lo faremo voluntieri, perché in magior di questo semo parati in omne vostra complacentia. Ex civitate Regii, 24 augusti 1497. La subscriptione di sua mano et
      KAR. MAURELUS.
     
      Seguita altre nove.
     
      Da Zenoa si have lettere di 11 de l'instante.
      Chome li nostri do oratori andavano in Spagna, prima, a dì 6, erano ivi zonti chome per avanti se intese, et molto honorati da domino Augustino Adorno governator ducal, et da quelli citadini alozati erano in una caxa su la piaza Zustignana, et che Zorzi Negro secretario nostro sempre era con lhoro. Et li oratori dil ducha di Milano nominati di sopra et electi per andar insieme con quelli in Spagna, a dì 7 introno in Zenoa. Or al presente, a dì 15 septembrio, si have queste ultime letere, come in quel zorno de 11 haveano abuto audientia dal governador et li anziani deputati al governo dil stato. Et è da saper, come li nostri oratori persuaseno zenoesi a star a la devution di la serenissima liga et non aderirse al voler dil re di Franza, offerendo ogni ajuto in el bisogno nomine dominii. Ai qualli fo risposto erano costanti etc.
     
      Item, advisoe chome la nave Camilla, era deputata a condur dicti oratori fino a Barzelona, era partita, né haveva potuto più aspectar; ma che ne era 2 altre le qual a dì 20 volevano partir, et sariano al bisogno.
     
      Item, che, per avisi di sopra, intendevano la lhoro andata esser frustra, perhoché 'l re di Franza non vol ni paxe ni più perlongar la trieva; imo che [779] in Aste era zonto 150 lanze francese, et era domino Joanne Jacopo Triulzi, et si aspectava monsignor di Obignì doveva vegnir per l'impresa de Italia, come questo medemo, per letere di Marco Lipomano orator nostro a Milano, se intese el re di Franza era pur ancora a Molines, dovea esser a Liom.