Era etiam uno Piero Gambacurta pisano capo de ballestrieri 70 a cavalo, et Jacomo di Tarsia capitano di le fantarie, le qual perhò erano poche. Or tandem, dapoi longa disputatione, fo preso di mandar pro nunc a Pisa danari, perché al bisogno ivi poteseno far 500 fanti.
     
      [790] Item, mandar lì ducati 2 milia per altri bisogni occorevano, et di mandarli altro capo per quel consulto non fo terminato. Era a Ligorne, come per letere di Pisa vidi, ch'è lontano di Pisa mia 16, a questi giorni, 4 nave francese, venute ivi di Provenza con vituarie di formenti per subsidio di fiorentini.
     
      [1497 09 26]A dì 26 septembrio, hessendo stà decreto per la Signoria di far in questo zorno le exequie a l'orator dil ducha di Milano novamente in questa terra manchato, quelle qui soto scriverò. Et è da saper, che 'l corpo era stà per avanti sepulto a Santa Maria di Gratia, et ne la chiesia di San Moisè era stà fato uno baldachino negro, et in mexo era la cassa vuoda sopra el cadeleto, coperta di panno d'oro, con quatro dopieri da l. ... l'uno, che zorno e note zà tre zorni ardeva. Et la matina che 'l morite, la sera avanti fo sonato a San Marco campane dopie, justa el consueto. Or questo zorno, prima fo fato serar tute le boteghe per la terra, et preparato di far dicte exequie a San Zane Polo, per esser propinquo a San Marco. Et cussì, di San Moysè veniva per piaza, prima tuti li penelli di le scuole picole con 2 dopieri doradi avanti per penello, i quali penelli fo per numero 110; poi le scuole grande ordenatamente con dopieri doradi et non negri, di le qual la prima fo San Zuane, la Caritae, la Misericordia et San Rocho; poi li frati di San Zane Polo et San Domenego, poi San Stefano, poi li crosechieri, li jesuati, quelli di San Sebastiano, i servi, i frati menori et prima li observanti di San Francesco, et Santo Job, Santo Salvador et Santo Antonio uniti, et ultimo Santa Maria di Loreto con quelli di San Zorzi d'Alega.